What is Freelancing?

فری لانسنگ کیا ہے؟

یہ فوائد براہ راست لوگوں کو اپنی طرف راغب کرتے ہیں ، جو صرف 9 سال سے شام 5 بجے تکلیف دہ ملازمتوں اور غیر دوستانہ ماحول سے صرف سالوں کے لئے ایک مقررہ تنخواہ کی ادائیگی سے تنگ آچکے ہیں۔

پروجیکٹ جمع کروانے کے بعد ہی ایک فری لانس خدمات پیش کرتا ہے جس نے اس میں نمایاں خدمات انجام دی ہیں۔ فری لانس کسی ایک کلائنٹ کے لئے مستقل طور پر کام نہیں کرتا ہے۔ مزید برآں ، فری لانسرز بالکل ایسے ہی گھریلو مقیم ٹھیکیدار ہیں جو اس منصوبے کو مکمل کرتے ہیں اور جمع کراتے ہیں اور فیس وصول کرتے ہیں۔

فری لانسنگ نے ان لوگوں کے لئے نئے مواقع کھول دیئے ہیں جو کام کرنے کے آرام دہ پرسکون اور لچکدار انداز کی تلاش کرتے ہیں۔ جیسے طلباء ، خواتین بطور واحد ماں یا لڑکیاں جو کالج میں ہیں اور معذور افراد۔ دنیا بھر میں ہر شخص اپنے گھر کے آرام سے پیسہ کمانے کے موقع پر فائدہ اٹھانے کی کوشش کر رہا ہے۔

اس کے علاوہ ، پاکستان حیرت انگیز طور پر آزادانہ منڈیوں کی پہلی فہرست میں شامل ہو گیا ، جس سے ہندوستان ، روس اور بنگلہ دیش کو پیچھے چھوڑ دیا گیا۔ لہذا یہ رپورٹ Payoneer کے نیٹ ورک میں 300،000 پاکستانی فری لانسرز کے نمونے کے ذریعہ لی گئی ہے۔ یہ بھی بتایا گیا ، کہ پاکستانی فری لانسرز زیادہ تر نوجوان بالغ ہیں جو فری لانس مارکیٹ میں اپنا کیریئر شروع کرنے کے منتظر ہیں۔

کیریئر کے طور پر آزادانہ مارکیٹ میں کامیابی کی کہانیاں رکھنے والی کچھ عوامی شخصیات ہیں۔ جو آپ کو فری لانسنگ میں اپنا کیریئر شروع کرنے اور لامحدود نقد رقم حاصل کرنے کیلئے کافی حوصلہ افزائی کرتا ہے۔

آپ کو کہانی کے دونوں اطراف سے آگاہ ہونا چاہئے۔ ایک سیکنڈ کے لئے سوچیں ، آزادانہ حیثیت میں اس کی گنجائش کے باوجود ، کیوں بہت کم لوگ اس کو اعلی عہدے تک پہنچاتے ہیں ٹھیک ہے ، یہاں کیوں ہے۔

سب سے پہلے ، فری لانسنگ میں ایک قدم آگے رکھنا آسان ہے اگر کسی نے اپنی صلاحیتوں یا خدمات میں مہارت حاصل کی ہے جو ان کو مؤکلوں کو پیش کرنا ہے۔ اگر کسی کو واضح اندازہ ہو کہ ان کی صلاحیتیں پوری فری لانس مارکیٹ میں کہاں فٹ بیٹھتی ہیں تو ، وہ ایک فری لانس کی حیثیت سے کام کر سکے گا۔ اگلا مرحلہ ممکنہ اور متعلقہ مؤکلوں کی تلاش ہے۔ پورٹ فولیوز اور ویب سائٹیں بنانا یا “لنکڈ ان” پر پروفائل بنانا اور مہارتوں کو فروغ دینا اور آن لائن دوبارہ شروع کرنا بہت فرق پائے گا۔ ایڈوانس ٹکنالوجی نے نیٹ ورکنگ سائٹوں کو مواد کی تقسیم اور اسے ساتھیوں یا دوستوں کے دائرے میں بانٹنا آسان بنا دیا ہے۔ گاہکوں کو اپنی خدمات حاصل کرنے پر راضی کرنے کا یہ ایک اور طریقہ ہے۔

کیا پاکستان میں فری لانسنگ آپ کے لئے ایک صحیح کیریئر ہے؟

۔ لوگ خود ملازمت ، حد سے کمائی کے امکانی کام کی طرف زیادہ راغب ہوتے ہیں۔ درحقیقت ، جن لوگوں نے بطور فری لینسرس آغاز کیا تھا ، وہ اب تک اپنی اپنی کمپنیاں تیار کر چکے ہیں اور ان ممالک سے مقامی فری لانسرز کی خدمات حاصل کرتے ہیں۔

سمت جانے سے پہلے ، ایک منٹ کا وقت لگائیں اور سوچیں کہ کیا آپ کے لئے فری لانسنگ صحیح آپشن ہے؟ اگر ایسا ہے تو ، آپ فری لانس کے طور پر کیا کرسکتے ہیں؟ آپ کی خدمت کیا ہوگی؟

و دوست انٹرنیٹ اور کمپیوٹر پر تھوڑی بہت گرفت رکھتے ہیں ان کی اکثریت اس کوشش میں رہتی ہے کہ وہ اپنے اس شوق کو آن لائن کمائی کے لئے بھی اپنائیں اور فری لانسنگ وغیرہ سے اپنا جیب خرچ نکالیں۔ جو کہ بلاشبہ ایک بہترین سوچ ہے نہ صرف ان کا جیب خرچ نکلتا ہے بلکہ فری لانسنگ کے کام کو اگر آپ بطور ایک سنجیدہ جاب اپنا سکیں تو اس جیسی مزے دار شاید ہی کوئی جاب موجود ہو گی۔

فری لانسنگ اور آن لائن کمائی کے دوسرے طریقوں میں سب سے اچھی بات یہ ہے کہ یہاں آپ کا کوئی باس نہیں یعنی آپ خود مختار ہیں، آپ کا کوئی دفتر نہیں آپ کا گھر، آپ کا بیڈ روم، ٹی وی لاؤنج، اسٹڈی روم یا ڈرائنگ روم ہی آپ کا دفتر ہے، اس جاب میں کوئی دفتری اوقات بھی نہیں جب آپ کا دل چاہے آپ کام کریں اور جب دل چاہے آرام کریں یا اپنے دیگر مشاغل کی طرف دھیان دیں۔

لیکن رکئے۔۔۔۔۔

اگر آپ آن لائن کمانے کا تہیہ کر چکے ہیں تو ابھی اسے شروع کرنے کا مناسب وقت نہیں، جی ہاں پہلے کچھ سیکھ تو لیجئے، چلئے سیکھنا نہیں تو کم ازکم یہ پوسٹ تو پوری پڑھ لیں۔

جی تو جیسا کہ ہم نے اوپر بتایا کہ آن لائن کمائی کے آپشنز یعنی فری لانسنگ میں آپ کا کوئی باس نہیں کوئی دفتر نہیں کوئی وقت نہیں آپ بالکل آزاد ہیں، یہ بات کچھ حد تک تو درست ہے لیکن جناب اب ایسا بھی نہیں کہ آپ بالکل شتر بے مہار ہیں،

یہاں آپ کا ایک عدد گاہک ہوتا ہے جو آپ کی سروسز پیسے دے کر خریدتا ہے اور ایک مقررہ وقت میں اسے اپنے پیسوں کے عوض کام چاہئے بھی ہوتا ہے۔ جی آپ اسے گاہک کا نام بے شک دے لیں لیکن اتنے وقت کے لئے ہوتا وہ آپ کا باس ہی ہے جتنے وقت کے اس نے پیسے دے رکھے ہیں۔

اور وقت کی قید تو اس میں اس قدر ہے کہ ادھر آپ نے وقت پر کام پورا نہیں کیا ادھر آپ کی شکایت لگ گئی اور آپ نہ صرف پیسوں سے ہاتھ دھو بیٹھیں گے بلکہ آپ کا فری لانسنگ کا منصوبہ بھی خطرے میں پڑ جائے گا کیونکہ جس کا اعتماد خراب ہو جائے اسے اسی دنیا میں نہیں بلکہ آن لائن کمائی کی دنیا میں بھی کوئی منہ نہیں لگاتا۔

آن لائن کمائی ایک دھوکہ ہے

جی ہاں یہ ایک ایسی حقیقت ہے جس سے تقریبا ہر اس شخص کو پالا پڑ چکا ہے جس نے آن لائن کمائی کرنے کے لئے آسان ذرائع اپنانے کی کوشش کی۔ آپ نے شاید غور کیا ہو گا کہ میں نے لفظ آسان ذرائع استعمال کیا ہے۔

آن لائن کمائی یا فری لانسنگ ایک دھوکہ

 پر بیان کردہ اکثر واقعات کے مطابق اکثر دوستوں کو شروع شروع میں ایسے ہی لگتا ہے کہ انٹرنیٹ پر کمائی کرنا نہایت آسان ہے، سونے پر سہاگے کا کام وہ فراڈ ویب سائیٹس کرتی ہیں جو یہ دعویٰ کرتی نظر آتی ہیں کہ صرف ایڈ پوسٹنگ یا کاپی پیسٹ جیسے کام سے گھر بیٹھے روزانہ 100 ڈالر تک آن لائن کمائی کریں۔

دوستو یہاں یہ سمجھنا بہت ضروری ہے کہ آسان کمائی اور آسان کمائی کے ذرائع میں بہت فرق ہے، آسان کمائی کے ذرائع وہی ہیں جو ہم میں سے اکثر دوستوں کو لوٹ چکے ہیں اور ان کی مہینوں کی محنت پر پانی پھیر کر بھاگ چکے ہیں۔

میرے کہنے کا مطلب وہی ذرائع ہیں جن کو میں اوپر آسان ذرائع کہہ چکا ہوں یعنی ایڈ پوسٹنگ، کاپی پیسٹ وغیرہ کے کام۔ دوستو یہ ویب سائیٹس ہمیشہ فراڈ ہوتی ہیں جن کا نہ کوئی ماضی ہوتا ہے اور نہ مستقبل اور یہ صرف رجسٹریشن کرواتی ہیں اس کی مد میں آپ سے پیسے چارج کرتی ہیں اور پھر آپ کو کام دیتی ہیں، یہ کام اکثر اوقات جعلی نوعیت کے ہوتے ہیں یا پھر یہ اپنے مختلف گاہکوں کے کام آپ سے کرواتے ہیں اور جب آپ ایک اچھی خاصی رقم کما چکے ہوتے ہیں تو ایک دن یہ سائیٹ بند کر دی جاتی ہے اور آپ کی محنت برباد ہو جاتی ہے۔ نیچے موجود تصویر ایسے ہی ایک فراڈ کی ہے ایسے اشتہارات سے دور رہیں۔

اس لئے اپنے ذہن میں یہ بات اچھی طرح بٹھا لیں کہ بغیر کسی مہارت کے ہونے والا کوئی بھی آن لائن کمائی کا کام نہ تو فری لانسنگ ہے اور نہ ہی اصلی ہے۔ ان کاموں پر اپنا وقت اور محنت ضائع کرنے کی قطعا ضرورت نہیں ہے۔

پھر آن لائن کمائی کیسے کی جائے؟

دوستو آن لائن کمائی یا فری لانسنگ کا سوچنے سے پہلے دو بنیادی شرائط ہیں جن دونوں کا پورا ہونا ہرصورت ضروری ہے اگر ان میں سے ایک شرط بھی پوری نہیں ہوتی تو آپ کا ٹامک ٹوئیاں مارنے کا کوئی فائدہ نہیں جایئے پہلے یہ شرائط پوری کیجئے اس کے بعد دوبارہ فری لانسنگ شروع کیجئے۔ وہ دونوں شرائط یہ ہیں

انگریزی زبان میں خط و کتاب کی مہارت

جی جناب اگر آپ کو لگتا ہے کہ آپ فری لانسنگ مارکیٹ میں بغیر انگریزی مہارت کے کام چلا لیں گے تو آپ غلط ہیں، آپ کو انگریزی زبان چاہے کم آتی ہو لیکن اگر آپ انگریزی زبان میں خط و کتابت کرنے اور اسے پڑھنے کی صلاحیت نہیں رکھتے ہیں تو یقین کیجئے آپ کو کوئی کام نہیں ملے گا کیونکہ انگریزی زبان ایک انٹرنیشنل زبان ہے اور تقریبا سو فیصد ویب سائیٹس پر یہی زبان کام آتی ہے۔

چاہے اپنے گاہک کو پھانسنا ہو یا اس کی کسی بات کا جواب دینا ہو دونوں صورتوں میں آپ اگر ایک بہترین یا پیغام انگریزی زبان میں نہیں لکھ سکتے تو آپ فیل ہیں، اس لئے سب سے پہلے اس پر مہارت حاصل کریں یہ زیادہ مشکل نہیں ہے اگر آپ کی تعلیم میٹرک ہے تو پھر تو آپ کے لئے بالکل بھی مشکل نہیں تھوڑا سا گرائمر کا تڑکہ اور تھوڑی سی پریکٹس آپ کو ماہر بنا دی گی، بہتر ہو گا کسی استاد یا ادارے کی خدمات حاصل کریں۔

کم از کم کسی ایک شعبے میں مہارت

جی ہاں اگر آپ کو کچھ بھی نہیں آتا ہے اور آپ سمجھتے ہیں جیسے آپ پہلے ایک بار کسی سائیٹ پر کاپی پیسٹ کا کام کر کے لٹ چکے ہیں فری لانسنگ مارکیٹس بھی آپ کی آن لائن کمائی کے لئے ایسے ہی ذرائع آپ کو فراہم کر دیں گی تو یہ آپ کی بھول ہے۔

کسی بھی فری لانسنگ مارکیٹ میں داخل ہونے کے لئے ضروری ہے آپ کم از کم کسی ایک شعبے میں ماہر ہوں، یہ شعبہ عام شعبہ ہائے زندگی میں سے ہی ایک ہو سکتا ہے لیکن اگر آپ کو کسی بھی شعبے میں مکمل مہارت نہیں ہے تو پہلے آپ کسی بھی ایک شعبہ جو آپ کو اچھا لگتا ہے جس میں آپ کو کام کرنے کا مزہ آتا ہے یا جو آپ کو آسان لگتا ہے اسے باقاعدہ کسی سے سیکھیں۔

ویسے تو کوئی بھی مہارت آج کل یوٹیوب سے بھی سیکھی جا سکتی ہے لیکن بہتر ہے کہ کسی استاد کی زیرِنگرانی کسی ادارے سے سیکھیں تاکہ جب امتحان لیا جائے تو آپ کو پتہ چل سکے کہ آپ کتنی مہارت حاصل کر چکے ہیں اور کتنا سیکھنا ابھی باقی ہے۔

یاد رہے کام چلاؤ قسم کی مہارت فری لانسنگ میں ہرگز کام نہیں آتی کیونکہ وہاں آن لائن کمائی کے خواہشمند حضرات دنیا بھر کے منجھے ہوئے ماہر ہوتے ہیں اور آپ نے بولی میں ان سے کام تقریبا چھیننا ہوتا ہےاور یہ تبھی ہو پائے گا جب آپ ان سے زیادہ یا کم ازکم ان جیسی مہارت رکھتے ہوں گے۔

جی دوستو یہ تو تھیں وہ دو شرائط جن پر آپ کا پورا اترنا ہرصورت ضروری ہے اور اگر آپ کسی ایک میں بھی کمی سمجھتے ہیں تو فورا پہلے اسے سیکھیں اس کے بعد فری لانسنگ مارکیٹ کا رخ کریں ورنہ جب تک آپ سیکھیں گے اپنی پروفائل کو اتنا خراب کر بیٹھیں گے کہ کوئی آپ پر بھروسہ ہی نہیں کرے گا یعنی آپ کا مستقبل فری لانسنگ سے آن لائن کمائی کے حوالے سے تاریک ہو چکا ہو گا۔

فری لانسنگ مارکیٹ میں کونسا کام آسان ہے؟

 

آن لائن کمائی کے لئے سب سے آسان کام تو وہی ہے جو آپ کو آتا ہے اور آپ کو اس کام کا کرنا پسند ہے۔ لیکن اگر آپ کسی کام میں فی الحال مہارت نہیں رکھتے ہیں اور سیکھنا چاہتے ہیں تو نیچے موجود چند کام ایسے ہیں جو سیکھنا بھی آسان ہے اور کرنا بھی آسان ہے۔

آپ مختلف زبانوں کا دوسری زبانوں میں ترجمہ کر سکتے ہیں جو اگر آپ کو دونوں زبانی اچھی طرح آتی ہیں تو نہایت آسان کام ہے۔

گرافکس ڈائزین Graphic Design

فیس بک ہو یا انسٹا گرام ، سافٹ وئیر یا ویب سائیٹ ہو یا آن لائن، آف لائن بزنس ہو یا ایک ریڑھی والا سب کو اپنے کام میں ہمہ وقت گرافکس کے کام کی ضرورت پڑتی ہے، چاہے فیس بک پر تصویر اپلوڈ کرنی ہو یا ایک ریڑھی پر چنا چاٹ کا بینر آویزاں کرنا ہو ہمیشہ کسی بھی گرافکس ڈائزئنیر کی خدمات حاصل کی جاتی ہیں۔ بلاشبہ گرافکس ڈائزین ایسا شعبہ ہے جس کی فری لانسنگ مارکیٹ میں سب سے زیادہ جگہ ہے۔ اگر آپ کچھ نیا سیکھنا ہی چاہتے ہیں تو میرا مشورہ ہو گا کہ آپ اس شعبے میں قسمت آزمائی کریں۔ اس کے آگے بے شمار ذیلی شعبہ جات ہیں لیکن اگر آپ نے بنیادی کام سیکھ لیا تو باقی کام گھر بیٹھے یوٹیوب سے ہی سیکھے جا سکتے ہیں۔

Website Building ویب سائیٹ بنانا

نہ صرف تمام کاروبار بلکہ انفرادی طور پر بھی لوگ اپنی آن لائن شناخت برقرار رکھنے کے لئے ویب سائیٹ کا سہارا لیتے ہیں اور اگر آپ کو ویب سائیٹ بنانا آتی ہے تو پھر آپ کے لئے آن لائن کمائی کے مواقع ہی مواقع ہیں۔

بلاگ لکھنا Blog Writing

اپنی شخصیت، کاروبار، پروڈکٹس یا ویب سائیٹ کے بارے میں لکھنا تاکہ لوگ اسے پسند کریں لوگوں کو آپ کے بارے میں علم ہو سکے اور لوگ اس طرف متوجہ ہو سکیں ایک عام کام ہے، لیکن بہت سارے لوگ خود سے اس قابل نہیں ہوتے کہ وہ الفاظ کا اچھا چناؤ کرتے ہوئے کچھ لکھ سکیں۔ اس کام کے لئے انہیں کوئی ایسا شخص چاہئے ہوتا ہے جو ان کے لئے یہ خدمات فراہم کر سکے۔

اگر آپ اچھا لکھ سکتے ہیں تو پھر اس شعبے میں داخل ہو جائیں نہ صرف آپ لوگوں کے بارے میں لکھ سکتے ہیں بلکہ بہت سارے لوگ یا یوں کہیں کہ اکثر لوگ ایسے ہوتے ہیں جنہیں اپنی تحاریر لکھنے کے لئے ایک ایسا بندہ چاہئے ہوتا ہے جو پیسے لے اور تحریر لکھ دے اور وہ اپنے نام سے وہ تحریر اپنی ویب سائیٹ یا سوشل میڈیا اکاؤنٹ پر لکھ کر واہ واہ حاصل کرسکیں۔ ایسے رائیٹر کو گھوسٹ رائیٹر Ghostwriter کہا جاتا ہے اور اس کا بہت سارا کام انٹرنیٹ پر موجود ہے۔

آن لائن پڑھانا Online Teaching

جی جناب اگر آپ پڑھے لکھے ہیں اور آپ میں ایک اچھے استاد والی خصوصیات موجود ہیں تو پھر آپ کو آن لائن کمائی سے کوئی نہیں روک سکتا، بہت سارے پلیٹ فارم موجود ہیں جہاں آپ لوگوں کو آن لائن پڑھا سکتے ہیں اور فیس وصول کرسکتے ہیں۔

فوٹوگرافی Photography

اگر آپ کو کھومنے پھرنے کا شوق ہے اور آپ ایک اچھا کیمرہ بھی رکھتے ہیں اور ساتھ ہی ساتھ آپ کو فوٹو گرافی بھی آتی ہے یا آپ سیکھ سکتے ہیں تو جناب مزے سے گھومئے لیکن اپنا کیمرہ ساتھ لے جائیں جو منظر پیارا لگے اس کی اچھی سی تصویر اتاریئے اور آن لائن بیچئے، بہت سارے ادارے موجود ہیں جو آپ کی تصاویر خریدتے ہیں اس کے علاوہ فری لانسنگ مارکیٹ میں بہت سارے ایسے گاہک ہمہ وقت موجود ہوتے ہیں جو کوئی خاص قسم کی فوٹو گرافی یا ویڈیوز بنانا چاہتے ہیں اور اس کام کے لئے آپ کو پیسے دیتے ہیں۔

وکی پیڈیا آرٹیکلز لکھنا Wikipedia Contributor

کیا آپ نے پہلے کبھی وکی پیڈیا پر کوئی مضمون لکھا ہے؟ نہیں لکھا تو اب لکھنا شروع کر دیں تاکہ آپ کو مہارت حاصل ہو سکے، وکی پیڈیا پر مضمون لکھنا تھوڑا سا ٹیکنکل ہے لیکن دو چار مضمون لکھ کر ہی آپ ماہر ہو جاتے ہیں، تو جناب بہت دنیا موجود ہے جو وکی پیڈیا پر اپنے، اپنے کاروبار یا پروڈکٹ کے بارے میں لکھنے کے لئے آپ کی خدمات حاصل کرنے کے لئے فری لانسنگ مارکیٹ میں تیار بیٹھی ہے۔

پروف ریڈنگ اور ایڈیٹنگ Proof Reading / Editing

اگرآپ کسی زبان خصوصا انگریزی میں مہارت رکھتے ہیں تو آن لائن کمائی کے لئے پروف ریڈنگ اور کاپی ایڈیٹنگ کا بہت کام موجود ہے، لیکن یاد رہے اس کے لئے زبان پر بہت زیادہ گرفت ہونا ضروری ہے۔

کاپی رائٹنگ Copywriting

وہی زبان پر عبور والی بات، اگر آپ کو زبان اچھی طرح آتی ہے اور آپ لکھ سکتے ہیں تو کاپی رائیٹنگ کا کام بہترین ہے کسی گاہک کی پراڈکٹ کی تفصیلات سے لے کر کسی بھی چیز کے بارے میں مکمل معلومات کو ایسے لکھیں کہ پڑھنے والا ایک بار اس کو دیکھے ضرور، بس یہی ہے کاپی رائیٹر کا کام جس کا بہت سارا کام آن لائن دستیاب ہے۔

سی وی لکھنا Resume Writing

جی ہاں وہی سی وی جسے اٹھائے اٹھائے آپ نوکری کی تلاش میں خوار ہو رہے ہیں، بہت دنیا ہے جسے یہ بھی لکھنا نہیں آتی۔ سی وی لکھنے یعنی Resume Writing کا کام اب ایک نئی جہت اختیار کر چکا ہے اور نت نئے ڈائزین میں سی وی لکھی جاتی ہے جس میں مکمل معلومات کے احاطے کے ساتھ ساتھ گرافکس کا ایسا شاندار استعمال ہو رہا ہے کہ کوئی بھی اسے پڑھے بغیر رہ نہ سکے۔ بس ایسی ہی سی وی آپ بھی لکھنا اور بنانا سیکھ لیں اور ڈھیروں روپے آپ کے منتظر ہوں گے۔

ڈبنگ یا وائس اوور Dubbing and Voice Over

اگر اللہ پاک نے آپ کو اچھی اور صاف آواز دے رکھی ہے اور آپ کو زبان پر بھی مہارت ہے تو آپ لوگوں کے لئے ڈبنگ یا وائس اوور کا کام بھی کر سکتے ہیں، یعنی اگر کسی ویڈیو کا انگریزی سے اردو ترجمہ ہو رہا ہے یا کسی ایک زبان سے کسی دوسری زبان میں ترجمہ ہو رہا ہے تو انہیں یقینا ایسے بولنے والے چاہئے ہوتے ہیں جو روانی سے اور بہترین طریقے سے ان کے لکھے ہوئے سکرپٹ کو پڑھ سکیں۔ جیسا کہ اکثر دوستوں نے انگریزی سے اردو میں ڈبنگ کی گئی فلمیں دیکھی ہوں گی۔

اس کے علاوہ آپ نے ٹی وی اور ریڈیو کمرشلز تو دیکھے ہی ہوں گے، ان کمرشلز میں بیک گراؤنڈ میں جو صاحب یہ صاحبہ اس کے بارے میں معلومات دے رہے ہوتے ہیں لیکن خود اسکرین پر کبھی نہیں آتے ہیں ان کا کام صرف وائس اوور دینا ہوتا ہے، یہ پسِ پردہ آواز آپ کی بھی ہو سکتی ہے اور انٹرنیٹ پر فری لانسنگ مارکیٹس میں اس کا اتنا کام موجود ہے کہ آپ کام کر کر کے تھک جائیں کام ختم ہونے کا نام نہ لے۔

ورچوئل اسسٹنٹ Virtual Assistant

کاروبار اور کاروباری حضرات کو اپنے روزمرہ کام نمٹانے کے لئے کوئی نہ کوئی اسسٹنٹ درکار ہوتا ہے جو ان کی طرف آنے والی ای میلز کا جواب دے سکے، ان کی ٹیلیفون کالز لے سکے یا ان کی ملاقاتوں کے اوقات طے کر کے کلائینٹس کو بتا سکے۔ پہلے زمانوں میں یہ کام دفاتر میں موجود لوگ کرتے تھےلیکن اب زمانہ بدل چکا ہے یہ سارے کام ورچوئل اسسٹنٹ کرتے ہیں، یعنی آپ امریکہ کی ایک کمپنی کی ای میلز کا جواب اپنے گھر پاکستان میں بیٹھے دے رہے ہوتے ہیں اور ان کا کلائنٹ سمجھتا ہے کہ کمپنی بہت اچھی ہے فورا جواب دیتی ہے اس کا کمپنی کو فائدہ یہ ہوتا ہے کہ وہی کام جو ایک دفتر کے ملازم نے 4000 ڈالر میں کرنا ہے آن لائن لوگ ان کا یہی کام 500 یا 1000 ڈالر میں باآسانی کر رہے ہوتے ہیں۔ آپ بھی اس فیلڈ میں قسمت آزمائی کریں لیکن شرط وہی انگریزی میں مہارت والی۔

 

Written by 

Tayyab Rajpoot official